Un PDI... moi noso!

Presentamos o resumo audiovisual de dous cursos nos que desenvolvemos un Proxecto Documental Integrado moi noso.

O PDI NÓS: patrimonio in-MATERIAL! chega ao seu fin no presente curso, deixando pegada perdurable na nosa pequena comunidade: salvagardamos, respectamos, divulgamos, lemos, escribimos, aprendemos a valorar o noso, a valorarnos.

O vindeiro curso... nova travesía!

Galeg@s Ilustres (Alouette Machine)

Presentamos o mural, que xa forma parte da nosa entrada ao cole, realizado coa imprenta ambulante Alouette Machine grazas ao orzamento de biblioteca creativa e no que se plasma en forma de encrucillado os nomes de persoeir@s importantes da nosa cultura.

Semana do Medio Ambiente: construíndo na area!

Premer na imaxe para acceder á galería de fotos

No día de onte, 5 de xuño de 2023, conmemorouse o Día do Medio Ambiente e NÓS comezamos a semana coa actividade da proposta trimestral: construíndo na area!

A actividade acolle unha saída á praia para realizar construcións relacionadas con Galicia, atendendo ao PDI que finalizamos este curso.

Construcións moi galegas usando os recursos da praia ou reciclados e que se irán incrementando segundo o tempo atmosférico o permita.

Parabéns, miniarquitect@s!

Guía de verán 2023

Guía de verán 2023_BE-DL

Leer más publicaciones en Calaméo

Presentamos a guía de verán 2023. Unha guía con moitas preguntas, unha guía para cumprir retos varios: saber, xogar, cantar, contar... vivir!

O último día lectivo tod@s teremos nas nosas mans títulos diversos para lectoras/es divers@s.

Feliz verán... lector!

Prescritura e escritura con arte

Premer na imaxe para acceder á galería de fotos

Ao longo do Mes das Letras elaboramos, entre tod@s, dous murais de escritura con arte, escritura creativa, seguindo o lema da Asesoría BEGA para o presente curso: escribir a biblioteca escolar.

Prescritura con arte, realizado pol@s cativiñ@s do Milladoiro, recolle grafismos creativos moi primaverais e o mural Escritura con arte, realizado polo alumnado de primaria, naceu para dinamizar a lingua e pór en práctica, entre outros grafismos, a técnica lettering que se desenvolveu nun dos educa-tribo implementados neste último trimestre de curso.

Parabéns a tod@s, escritura e arte a unha!

Mes das Letras: "Se me vou"

Fabuloso produto final no noso Mes das Letras: a produción propia "Se me vou", que tan ben presentaron no Festival das Letras Galegas as aulas de 5º e 6º de primaria.

En esta peza audiovisual todos os grupos-clase coordinados por Estefanía, mestra de Música, dan vida á canción.

Parabéns a tod@s pola fantástica produción e a seguir usando a nosa lingua para aprender, para rir, para sentir...

Festival das Letras Galegas 2023

Presentamos, despois do proceso de edición, as fantásticas actuacións que conformaron o noso...

Festival das Letras 2023 

(premer no enlace para acceder á galería de fotos)

Felicitar a tod@s polo esforzo e motivación na gran homenaxe a Francisco Fernández del Riego, as nosas letras, a nosa lingua, ao que somos: galeg@s.

Mes das Letras: DichoLeo!

Premer en cada grupo-aula para visualizar a súa produción.

Presentamos unha actividade que naceu co PDI que nos ocupa: DichoLeo!

Unha actividade de dinamización da lingua mediante pezas audiovisuais de produción propia e que ve a luz no Mes das Letras.

Agradecemos a letra, voz e música, da mestra Estefanía, para o extracto de audio que abre e pecha cada vídeo. Outra produción propia que mañá escoitaremos e veremos, en primicia, no Festival das Letras.

Parabéns a tod@s, as nove pezas audiovisuais amplian o noso vocabulario na lingua nai: o galego.

Unha lingua para aprender, unha lingua para sentir.

AS NOSAS LETRAS! Francisco Fernández del Riego

Premer na imaxe para acceder ao álbum

Ao longo do 3º trimestre a exposición AS NOSAS LETRAS! está adicada ao persoeiro homenaxeado este ano, pola Real Academia Galega, co Día das Letras: Francisco Fernández del Riego

A exposición está composta polos diversos exemplares de nova adquisición e por recursos materiais alleos e propios, entre eles o noso caderno de produción propia Leo anímate a... investigar!, para traballar nas aulas a súa biografía e obras. Recursos alleos que se aloxan nas seguintes páxinas:

• Primavera das Letras

• Portal das Palabras

• Seminario Galán

Asemade expuxemos os carteis que recibimos da Real Academia Galega, como se pode ver na seguinte imaxe.

Pechamos así, un curso máis, a exposición adicada a escritoras e escritores galeg@s que se fai imprescincible coñecer e valorar:

AS NOSAS LETRAS!

O vindeiro curso, máis: seguiremos facendo medrar as nosas Letras.

Mes das Letras: GALICÓMIC!

Galicómic_PDI NÓS

Leer más publicaciones en Calaméo

Chegou... o gran día! 

A nosa produción propia anual xa está na imprenta e aquí se presenta en formato dixital.

Unha produción de tod@s, que este curso, en relación co noso PDI e dinamizando a Banda Deseñada, titulamos GaliCómic.

Cada aula ideou, creou o seu propio cómic en relación con Galicia: experiencias escolares, historia, aventuras, gastronomía, os seres mitolóxicos e... ata unha heroína! Temáticas diversas as que conforman os 8 cómics que en primicia presentamos e que compartiremos polas aulas ao longo da semana das Letras Galegas (do 15 ao 19 de maio). Asemade, están expostos nos corredores do cole.

Premer na imaxe para acceder ao álbum de fotos

Unha proposta de actividade anual, enmarcada no PDI NÓS, que nos permitiu crear a nosa propia marca:

GC do Milladoiro
(GaliCómic do Milladoiro)

Só nos queda dicir...

VALORANDO... NÓS: proposta de actividades 3º trimestre

3ºT._Actividades 2022-23

Leer más publicaciones en Calaméo

Presentamos a proposta de actividades para o último trimestre do presente curso 2022/23.

Un curso co que finalizamos o PDI NÓS: patrimonio in-MATERIAL!. Un PDI que desenvolvemos para valorar e salvagardar o noso e entre as actividades pechamos o curso cunha edición máis da nosa revista escolar DígochoEU e o Festival das Letras para celebrar a nosa cultura.

Un trimestre para valorar a nosa lingua, a nosa escrita, a familia, o medio... Un trimestre para seguir VALORANDO... NÓS.

"Galicia" por Rakele Cavallo

Premer na imaxe para acceder á galería de fotos

A poucos días de pechar o 2º trimestre presentamos un novo mural. Os premios traen cousas boas a nosa pequena escola, pública e rural. Investimos o orzamento do premio do VIII Concurso de Traballos por Proxectos ademais de en cultura audiovisual, asistindo ao cine en Nadal, en cultura artística.

Desde o pasado curso temos como obxectivo eliminar o feísmo das paredes grises do cole, por iso encargamos a Rakele Cavallo un mural que, en relación co noso PDI, titulamos "Galicia".

Un fermoso traballo o de Rakele e o do alumnado de 2º de Primaria que a consideraron galega imprescindible en relación co 8M, realizándolle unha entrevista en Radio Balea.

Leo posa orgullosa a carón do mapa de Galicia, mapa que nos acompañará de camiño ás aulas ou ao patio de recreo: identidade cultural, arte da man de Rakele Cavallo.

Semana da Muller 2023: galegas imprescindibles

Premer na imaxe para acceder á galería de fotos

Ao longo da semana e na Hora de Ler presentamos na biblioteca, en relación co 8M, a Semana da Muller 2023. Unha semana adicada a diversas Mulleres Galegas que cada aula elexiu como imprescindibles.

Os seguintes enlaces de cada grupo-clase redirixen ás biografías das galegas imprescindibles para... NÓS:

• 4º de Educación Infantil (3 anos): as nosas mamás.

• 5º de Educación Infantil (4 anos): as nosas mamás.

• 6º de Educación Infantil (5 anos): Ana Romero Masiá (historiadora e membro da RAG)

• 1º de Educación Primaria: Exeria (escritora Idade Antiga)

• 2º de Educación Primaria: Rakele Cavallo (artista)

• 3º de Educación Primaria: Deni (alumna en prácticas do Grado de Mestras/es)

• 4º de Educación Primaria: Xela Arias (escritora, tradutora...)

• 5º de Educación Primaria: Maruja Mallo (pintora)

• 6º de Educación Primaria: Andrea Maceiras (escritora)

Felicitar a tod@s polo traballo desenvolto arredor de diversidade de biografías nas que as Mulleres son relevantes, imprescindibles, en diferentes eidos da vida e ademais... galegas!

Nais, escritoras, artistas, historiadoras, académicas, pintoras, mestras... TODAS IMPRESCINDIBLES! Por unha igualdade de xénero real que poidamos celebrar todos os días.

Día de Rosalía de Castro 2023

Premer na imaxe para acceder ao álbum de fotos

Conmemoramos o Día de Rosalía de Castro cun libro e unha flor... pulseira!

Asemade, unímonos á proposta da Asociación de Escritores e Escritoras en Lingua Galega (AELG) e seguindo o manifesto escrito por Carme Adán escribimos palabras, e palabras e palabras! Palabras que eleximos da lectura de diversos poemas de Rosalía e que logo pegamos dentro da súa silueta.

Premer na imaxe para ler o Manifesto 

Rosalía de Castro, que a forza das túas palabras impulse as nosas propias para seguir mellorando o presente, un futuro que siga sendo noso, da nosa terra, para seguir tendo voz propia hoxe e sempre: NÓS.

 

Entroido: Galihistoria

Presentamos o vídeo resumo da nosa celebración de Entroido que este curso, seguindo o PDI NÓS, tivo como lema "Galihistoria". Un percorrido pola historia de Galicia: etapas históricas, cultura, gastronomía, catástrofe ecolóxica e mitoloxía foron as elexidas para conmemorar un Entroido moi galego.

Premer no seguinte enlace para acceder á galería de fotos da xornada:

ENTROIDO: GALIHISTORIA

Feliz Entroido 2023!