Celtia Figueiras: Lúa quere viaxar a... Marte!

Premer na imaxe para acceder a máis información

Hoxe @s nen@s de E. Infantil e 1º ciclo de E. Primaria puideron desfrutar dunha actividade cultural na nosa lingua e dando tratamento á igualdade de xénero: a gatiña Lúa quere ser astronauta.

Celtia Figueiras, acompañada dos seus títeres, realizou unha marabillosa contada baseada nun libro da súa autoría: Lúa quere viaxar a... Marte!, ilustrado por Marcelo P. Fernández e editado por Guindastre (a disposición na nosa Biblio)

Agradecemos ao Consorcio Editorial Galego que siga achegándonos cultura na nosa lingua. 

Xandobela: xogando co patrimonio

Premer na imaxe para acceder á galería de fotos

A nosa Biblio acolleu, no día de hoxe, unha actividade cultural promovida por Xandobela, que mediante o xogo achegou ao alumnado de 1º e 2º ciclo de Educación Primaria o noso patrimonio.

Da man de Nerea, pedagoga e educadora social, coñeceron o proxecto Xogando co patrimonio e desenvolveron a actividade, participativa e lúdica, "Pegadas do noso": lendas, adiviñas, música, seres mitolóxicos...; Patrimonio Cultural Inmaterial de Galicia.

Agradecemos proxectos como o de Xandobela, que achegan información arredor do patrimonio galego aos máis pequenos para seguir valorando e salvagardando o noso.

Grazas a Nerea polo seu bo facer e polo agasallo final: un carné de investigador-a da cultura galega para cada nen@.

Na Biblioteca Milladoiro encantounos Xandobelar (palabra collida da xerga dos canteiros que significa xogar) co patrimonio.

XIII Semana das Lecturas Terroríficas

Celebramos a XIII Semana das Lecturas Terroríficas... NA NOSA BIBLIO!

Voltamos retomar a xuntanza de tod@s, despois de dous cursos escolares, arredor de producións propias de cada grupo-clase moi, moi terroríficas.

Demos a benvida ao outono, festexando unha das nosas tradicións culturais: o Samaín (en etimoloxía gaélica significa "fin do verán") Sen perder o rumbo, seguindo o noso PDI, arredor de Galicia, para non olvidar de onde vimos e liberarse de celebracións que non nos son propias.

Premendo nos seguintes enlaces poderedes gozar das fantásticas e terroríficas actuacións de cada aula:

• 4º E. Infantil: 1, 2, 3... Samaín é! (produción propia a partir do título "Un, dous, tres vampiro ti es" de Nadia Budde)

• 5º E. Infantil: O Samaín (baile de produción propia coa canción de Uxía Lambona e a Banda Molona)

• 6º E. Infantil: O mito galego da creación (produción propia a partir do título "A moura que creou o  mundo" de Rafael Quintía)

• 1º E. Primaria: O home do saco (produción propia, coa técnica chroma, a partir do título "O home do saco" de Enric Lluch)

• 2º E. Primaria: O monstro das Sisargas (produción propia, en formato kamishibai, a partir do título "Onde viven os monstros" de Maurice Sendak)

• 3º E. Primaria: A desaparición terrorífica (conto de produción propia)

• 4º E. Primaria: O noso Samaín (poesía de produción propia)

• 5º E. Primaria: Xa chegou Samaín! (produción propia con música "Xabarín xa te vin" de Banda dos 4)

• 6º E. Primaria: Unha excursión de pesadelo! (produción propia co protagonismo de seres mitolóxicos galegos e gravación de podcast en Radio Balea)

PARABÉNS, con maiúsculas, por tanto e tan bo: investigando, escribindo, protagonizando, interpretando, creando, contando, comunicando... Un Samaín moi noso: producións propias para valorar e salvagardar.

E rematamos a intensa semana coa... ZOMBIDANZA!

Premendo na imaxe accederedes á galería de fotos da XIII Semana das Lecturas Terroríficas.

Un peche musical de... MEDO! En próximas publicacións coñeceredes o fin do noso Samaín, ata entón

FELIZ SAMAÍN LECTOR A TOD@S!

Exposición 1º trimestre: NÓS

Premer na imaxe para acceder á galería de fotos

Presentamos a exposición do 1º trimestre que, dende a apertura da nosa BE-LeoLab (3 de outubro), está ubicada no corredor do 1º andar para dar continuidade e nutrir o noso PDI NÓS: patrimonio in-MATERIAL!

Exemplares de consulta, cómic, narrativa, música...; na nosa lingua e temática arredor de Galicia: historia, lendas, seres mitolóxicos, tradicións, celebracións, gastronomía... Títulos para animar á lectura, á búsqueda de información, á experimentación...; conmemorando celebracións propias da nosa cultura: o noso Samaín, que tan ben investigaron e gravaron en Radio Balea o grupo 3 do Laboratorio de Son de 2º e 3º ciclo de E. Primaria.

No día de hoxe demos inicio, despois de 2 anos sen poder celebrarse na Biblioteca, a nosa XIII Semana das Lecturas Terroríficas. Con gran emoción, por retomar a xuntanza de tod@s na nosa Biblio, gozamos coas primeiras actuacións. Actuacións de cada grupo-clase para presentar as súas producións propias e das cales daremos boa conta nunha próxima publicación.

                           

   Feliz Samaín, a ler sen fin!

 

NÓS... tamén escribimos!

Leo volta sorprendernos e... anímanos a mergullarnos na escrita, sendo escritoras e escritores no Milladoiro.

NÓS... tamén escribimos! será a actividade que nos unirá a tod@s, seguindo a nosa proposta de actividades e o lema elexido pola Asesoría BEGA,  coa máquina de escribir electrónica como ferramenta protagonista, a cal pasará por cada unha das aulas para crear a nosa produción propia. Premendo na imaxe accederedes aos recursos que facilitamos para seguir inFORMÁNDOSE.

Conmemoramos ao longo da semana o Día das Escritoras (17 de outubro) e o Día das Bibliotecas (24 de outubro) contando, tamén no corredor do 1º andar, co mural 18 Escritoras Galegas para pór en práctica a Formación de Usuari@s e alfabetización en información. 

Premendo na seguinte imaxe accederedes aos recursos que facilitamos para o desenvolvemento da Tarefa Integrada.

ELAS... TAMÉN ESCRIBEN! Igualdade de xénero no ámbito da literatura, en todos os ámbitos, todos os días do ano.

NÓS: proposta de actividades 1º trimestre

1ºT._ Actividades 2022-23

Leer más publicaciones en Calaméo

Publicamos a proposta de actividades que, en relación co PDI e entre tod@s, organizamos para o 1º trimestre do curso que nos ocupa.

A nova "normalidade" permítenos voltar recuperar o uso e desfrute, xunt@s, dos espazos creativos que conforman a nosa BE-LeoLab; así como a organización dos Laboratorios de Aprendizaxe e outras actividades que nos son propias.

A proposta informa e facilita recursos de interese para a posta en práctica de actividades anuais e mensuais, actividades para tod@s nas que o alumnado será protagonista das súas aprendizaxes e contando sempre coa orientación, asesoramento dos diferentes equipos creativos de traballo; así como dos espazos/recursos creativos e o apoio/acompañamento das familias para ofrecer unha educación pública e no rural de calidade na que TOD@S contamos moito e temos moito que contar: sempre, en comunidade!

A esta proposta súmanse os programas que forman parte do Plan Lector Anual 2022/23: bolsiñas e mochilas viaxeiras, Hora de Ler, Que me contas?, Hoxe le..., Educa-Tribo...

A por un trimestre descubrindo camiños pola nosa terra, investigando, lendo, escribindo, emocionándonos...

Nadal en familia: tradición oral

Pechamos o 1º trimestre, arredor da tradición oral, coas extraordinarias visitas familiares: avoa, nai, pai, tía, veciña...; visitas coas que demos tratamento ao noso PDI, na busca do coñecemento e valoración da nosa identidade cultural.

Premendo nos seguintes enlaces accederedes ás publicacións realizadas nos blogs ou galería de imaxes das aulas:

• 4º E. Infantil

• 4º e 5º E. Infantil

• 6º E. Infantil, 1º e 2º E. Primaria

• 3º E. Primaria

• 4º E. Primaria

• 5º E. Primaria

• 6º E. Primaria

Agradecemos a colaboración de tod@s, que de maneira altruista nos achegaron a nosa cultura a través da oralidade, da música e o baile tradicional.

Agasallos de Nadal... adiantados!