Esta é a bitácora do PDI bianual, 2021/22 e 2022/23, do CEIP Milladoiro de Malpica. Nela recolleremos o percorrido procurando o noso patrimonio, coidando de NÓS, do noso. Promete ser...MATERIAL!
Presentamos o resumo audiovisual de dous cursos nos que desenvolvemos un Proxecto Documental Integrado moi noso.
O PDI NÓS: patrimonio in-MATERIAL! chega ao seu fin no presente curso, deixando pegada perdurable na nosa pequena comunidade: salvagardamos, respectamos, divulgamos, lemos, escribimos, aprendemos a valorar o noso, a valorarnos.
O vindeiro curso... nova travesía!
Presentamos o mural, que xa forma parte da nosa entrada ao cole, realizado coa imprenta ambulante Alouette Machine grazas ao orzamento de biblioteca creativa e no que se plasma en forma de encrucillado os nomes de persoeir@s importantes da nosa cultura.
.jpg "CEIP Milladoiro.Malpica")
Premer na imaxe para acceder ao álbum
Ao longo do 3º trimestre a exposición AS NOSAS LETRAS! está adicada ao persoeiro homenaxeado este ano, pola Real Academia Galega, co Día das Letras: Francisco Fernández del Riego
A exposición está composta polos diversos exemplares de nova adquisición e por recursos materiais alleos e propios, entre eles o noso caderno de produción propia Leo anímate a... investigar!, para traballar nas aulas a súa biografía e obras. Recursos alleos que se aloxan nas seguintes páxinas:Asemade expuxemos os carteis que recibimos da Real Academia Galega, como se pode ver na seguinte imaxe.
.jpg "CEIP Milladoiro.Malpica")
Pechamos así, un curso máis, a exposición adicada a escritoras e escritores galeg@s que se fai imprescincible coñecer e valorar:
Presentamos a proposta de actividades para o último trimestre do presente curso 2022/23.
Un curso co que finalizamos o PDI NÓS: patrimonio in-MATERIAL!. Un PDI que desenvolvemos para valorar e salvagardar o noso e entre as actividades pechamos o curso cunha edición máis da nosa revista escolar DígochoEU e o Festival das Letras para celebrar a nosa cultura.
Un trimestre para valorar a nosa lingua, a nosa escrita, a familia, o medio... Un trimestre para seguir VALORANDO... NÓS.
Seguindo a proposta de actividades do 2º trimestre, conmemoramos o Día Mundial da Radio gravando en Radio Balea o noso conto de produción propia, o cal ideamos entre todas e todos, ao longo do 1º trimestre, coa máquina de escribir como protagonista e dentro da actividade NÓS... tamén escribimos!Asemade, participamos na convocatoria feita por Ponte... nas Ondas! baixo o lema Radio e Paz, proposto pola UNESCO, co podcast creado polo alumnado de 5º e 6º de EP: Rap pola Paz e que podedes escoitar a continuación.
Felicitar a todas e todos polo gran traballo desenvolto, uns podcasts contado e cantado para celebrar.
Feliz Día da Radio, hoxe e todos os días do ano.
.JPG "Andrea Maceiras")
Inciamos o presente curso coa exposición AS NOSAS LETRAS! adicada á escritora Andrea Maceiras por elección do alumnado de 6ºEP que teñen un dos seus títulos como libro do Plan Lector Anual: A folla azul.
Así, na área Aprender a investigar realizaron a súa biografía grazas ás fontes documentais e dixitais. Asemade, remitiron un correo electrónico á autora para convidala a visitar a nosa escola e... conseguimos cadrar datas!
No día de onte, mantiveron un encontro coa autora; a cal agradecemos a súa amabilidade, pois non só asinou o exemplar de cada nen@ e no caderno da biblio, tamén respostou a cada unha das preguntas dentro da entrevista que desenvolveron na nosa Radio Balea.
.jpg)
Grazas a Andrea Maceiras pola súa cercanía e bo facer; así como a Editorial Xerais por facilitarnos o encontro.
Presentamos a proposta de actividades para o 2º trimestre na que o noso PDI seguirá sendo o eixe vertebrador de aprendizaxes vívidas e construtivas.
No 2º trimestre o acento recae en SER para nutrir a necesaria construción dun mundo, persoal e social, mellor; partindo sempre das nosas raíces para seguir SENDO... NÓS!
Valores pola Paz, cultura propia, igualdade de xénero serán, entre outros, contidos a traballar de maneira transdisciplinar e transversal; sen olvidar os plans e programas incluídos no Plan Lector Anual, así como a proposta de actividades anuais: laboratorios de aprendizaxe, o noso camiño, galicómic...
A seguir valorando o noso para... valorarnos!
Premer na imaxe para acceder á galería de fotos
Estamos en hora boa! A aula de 4º de E. Primaria, do curso 2021/22, resultou premiada no VIII Concurso de Traballo por Proxectos.
Na modalidade de Investigación e Tratamento da Información presentaron a Tarefa Integrada desenvolta no último trimestre no Laboratorio Documental: Malpica, a nosa vila, enmarcada dentro do noso Mes das Letras 2022
Na memoria presentada recollen, ademais, os restantes laboratorios de aprendizaxe implementados ao longo do curso 2021/22 en relación co PDI NÓS: patrimonio in-MATERIAL!
Un curso que estivo marcado pola pandemia, con protocolos sanitarios que afectaron á natural socialización escolar; mais puideron seguir divertíndose aprendendo e sendo artífices das súas propias aprendizaxes mediante Tarefas Integradas que abarcaron diversas áreas, entre elas a área de Aprender a Investigar. Área esta que non lles era allea, dado que dende E. Infantil e 1º ciclo de E. Primaria aprenden por descubrimento: sendo, facendo, sabendo e convivindo; e sempre ao abeiro da Biblioteca Escolar-LeoLab: espazos creativos e recursos bibliográficos, dixitais, tecnolóxicos, audiovisuais... para tod@s.
No día de hoxe realizamos a entrega dos diplomas correspondentes e de dous agasallos lúdicos para compartir na aula. Un premio ao traballo feito... con corazón!
Parabéns a tod@s, unha dotación económica para tod@s: educación de calidade no rural.
.JPG "Exposición 1º trimestre_2022/23")
Presentamos a exposición do 1º trimestre que, dende a apertura da nosa BE-LeoLab (3 de outubro), está ubicada no corredor do 1º andar para dar continuidade e nutrir o noso PDI NÓS: patrimonio in-MATERIAL!
Exemplares de consulta, cómic, narrativa, música...; na nosa lingua e temática arredor de Galicia: historia, lendas, seres mitolóxicos, tradicións, celebracións, gastronomía... Títulos para animar á lectura, á búsqueda de información, á experimentación...; conmemorando celebracións propias da nosa cultura: o noso Samaín, que tan ben investigaron e gravaron en Radio Balea o grupo 3 do Laboratorio de Son de 2º e 3º ciclo de E. Primaria.
.JPG)
Leo volta sorprendernos e... anímanos a mergullarnos na escrita, sendo escritoras e escritores no Milladoiro.
NÓS... tamén escribimos! será a actividade que nos unirá a tod@s, seguindo a nosa proposta de actividades e o lema elexido pola Asesoría BEGA, coa máquina de escribir electrónica como ferramenta protagonista, a cal pasará por cada unha das aulas para crear a nosa produción propia. Premendo na imaxe accederedes aos recursos que facilitamos para seguir inFORMÁNDOSE.
Conmemoramos ao longo da semana o Día das Escritoras (17 de outubro) e o Día das Bibliotecas (24 de outubro) contando, tamén no corredor do 1º andar, co mural 18 Escritoras Galegas para pór en práctica a Formación de Usuari@s e alfabetización en información.
Premendo na seguinte imaxe accederedes aos recursos que facilitamos para o desenvolvemento da Tarefa Integrada.
.JPG)
.JPG)
A nova "normalidade" permítenos voltar recuperar o uso e desfrute, xunt@s, dos espazos creativos que conforman a nosa BE-LeoLab; así como a organización dos Laboratorios de Aprendizaxe e outras actividades que nos son propias.
A proposta informa e facilita recursos de interese para a posta en práctica de actividades anuais e mensuais, actividades para tod@s nas que o alumnado será protagonista das súas aprendizaxes e contando sempre coa orientación, asesoramento dos diferentes equipos creativos de traballo; así como dos espazos/recursos creativos e o apoio/acompañamento das familias para ofrecer unha educación pública e no rural de calidade na que TOD@S contamos moito e temos moito que contar: sempre, en comunidade!
A esta proposta súmanse os programas que forman parte do Plan Lector Anual 2022/23: bolsiñas e mochilas viaxeiras, Hora de Ler, Que me contas?, Hoxe le..., Educa-Tribo...
A por un trimestre descubrindo camiños pola nosa terra, investigando, lendo, escribindo, emocionándonos...
Presentamos as liñas xerais do noso Proxecto Documental Integrado (PDI) NÓS: patrimonio in-MATERIAL! que iniciamos o pasado curso arredor de Malpica e a Costa da Morte, o cal forma parte do Plan Lector Anual 2022/23.
No presente curso ampliamos a mirada a nosa Comunidade Autónoma: Galicia, a cal será protagonista da proposta de actividades de centro e aula.
A necesaria transdisciplinariedade na Aprendizaxe Baseada en Proxectos (ABP) será base para unha educación pública e no rural de calidade, na que os ODS da Axenda 2030 e a Competencia Persoal, Social e de Aprender a Aprender serán imprescindibles.
A por un curso máis, valorando e salvagardando O NOSO!
Onte realizamos a proposta de centro de "O rueiro dos retos", aínda que adaptamos dita actividade.
Neste caso, cada neno e nena levou unha folla cun mapa de Malpica e unha imaxe diferente, polo que na ruta que seguimos tivemos que ir buscando a nosa imaxe, e unha vez atopada colocar unha pegatina no mapa.
Pasámolo xenial, xa que despois de conseguir os retos descansamos, merendamos e xogamos. Regresamos ó cole moi contentos pero moi cansos!!!
Leer más publicaciones en Calaméo
Presentamos, en primicia, parte do xogo que en comunidade comezamos a crear no presente curso en relación co PDI que nos ocupa.
Un xogo de produción propia ideado a proposta do Equipo Creativo, en colaboración co Equipo de BE-DL, para reforzar a formación de usuari@s da nosa Biblioteca e profundizar nas nosas raíces: Malpica e Galicia.
Seguen en imprenta as tarxetas de preguntas e repostas elaboradas por cada grupo-clase arredor de Malpica e en produción as fichas-faro, gobeletes-nasa, polbos e caixas.
O vindeiro curso esperamos completar as tarxetas con preguntas arredor de Galicia, mais seguro que damos bo uso a esta primeira parte do noso xogo.
Parabéns a tod@s, pola fantástica produción creada en comunidade e con identidade.
Premer na imaxe para acceder á galería de fotos
Esta semana organizamos e desenvolvemos a actividade proposta polo Equipo Tecnolóxico, en colaboración con outros equipos, e en estreita relación co PDI NÓS: Rueiro dos retos!
Organizamos a saída, no LeoLab, coñecendo cada reto e as rúas polas que investigar. Dividímonos en 2 equipos, laranxa e verde, e con tablet, mapa e táboa de recollida de solucións na man percorremos as rúas de Malpica investigando, resolvendo cada reto proposto.
Unha actividade coa que nos divertimos e descubrimos datos da nosa vila que moitos/as descoñeciamos.
Presentamos un vídeo-resumo dos valores e aprendizaxes aos que demos tratamento no último trimestre do curso: aprendendo a investigar, respectando o Medio, valorando as nosas raíces, xogando!
Dende a creación das 48 preguntas para o xogo derivado do PDI NÓS: E ti, de quen ves sendo?, ata a creación do noso propio xogo 3R con materiais de refugallo (caixas de cartón, tapóns de plástico e páxinas de libros deteriorados/expurgados) implementando o Laboratorio de Ideas.
Un trimestre no que valoramos e xogamos para seguir divertíndonos aprendendo.
Leer más publicaciones en Calaméo
Presentamos o segundo produto final, despois da exposición de fotografías de Malpica, derivado do PDI NÓS: patrimonio in-MATERIAL!: Dicionario Malpicán.
Palabras e expresións propias da nosa pequena comunidade recollidas grazas á colaboración das familias e redactadas polo alumnado, conformando un libro de produción propia que ocupará o número 4 da CDU da nosa Biblio: producións propias.
Agradecemos a colaboración de tod@s para producir, un curso máis, un produto noso, moi noso.
Pechamos o curso dinamizando un xogo de retos elaborado polo equipo Tecnolóxico, en colaboración con outros equipos, e relacionado co noso PDI NÓS: patrimonio in-MATERIAL!
Xogo para realizar co alumnado ou en familia, percorrendo as rúas de Malpica na busca da solución a cada reto proposto.
A finais de curso publicaremos as solucións de todos eles.
A investigar, informarse para dar coa resposta. Facilitamos...
Diversión garantizada, observación e curiosidade en acción!
Presentamos, en formato audiovisual, o produto final creado por tod@s no noso Mes das Letras, conmemorando o Día das Letras Galegas en relación co PDI do presente curso.
A exposición de fotografías cedidas por Xurxo Alfeirán Chouciño e que titulamos Malpica, a nosa vila, motivou as creacións poéticas de cada grupo-clase.
Premendo na imaxe accederedes ao álbum de fotos da exposición.
.JPG "Imaxe CEIP Milladoiro.Malpica")
Felicitar a alumnado e profesorado polas producións propias creadas con sentimento. Versos que debuxan a Malpica que foi, que é e que sempre será: a nosa vila, terra de vida!
Feliz Día das Letras Galegas a tod@s, hoxe e todos os días do ano!
Presentamos, en formato audiovisual, a Tarefa Integrada "Malpica, a nosa vila" que desenvolvemos a través do Laboratorio Documental: investigando, informándonos, creando, comunicando.
O noso Mes das Letras 2022 permitiunos integrar a proposta de actividades do PDI de centro co Día das Letras Galegas, así:
Feliz Día das Letras Galegas, hoxe e todos os días do ano!
Pechamos o mes de maio, na nosa Biblio, cunha visita que puxo o broche final ao Mes das Letras. Premer no seguinte enlace para acceder á publicación:
