Semana da Muller 2023: galegas imprescindibles

Premer na imaxe para acceder á galería de fotos

Ao longo da semana e na Hora de Ler presentamos na biblioteca, en relación co 8M, a Semana da Muller 2023. Unha semana adicada a diversas Mulleres Galegas que cada aula elexiu como imprescindibles.

Os seguintes enlaces de cada grupo-clase redirixen ás biografías das galegas imprescindibles para... NÓS:

• 4º de Educación Infantil (3 anos): as nosas mamás.

• 5º de Educación Infantil (4 anos): as nosas mamás.

• 6º de Educación Infantil (5 anos): Ana Romero Masiá (historiadora e membro da RAG)

• 1º de Educación Primaria: Exeria (escritora Idade Antiga)

• 2º de Educación Primaria: Rakele Cavallo (artista)

• 3º de Educación Primaria: Deni (alumna en prácticas do Grado de Mestras/es)

• 4º de Educación Primaria: Xela Arias (escritora, tradutora...)

• 5º de Educación Primaria: MaruJa Mallo (pintora)

• 6º de Educación Primaria: Andrea Maceiras (escritora)

Felicitar a tod@s polo traballo desenvolto arredor de diversidade de biografías nas que as Mulleres son relevantes, imprescindibles, en diferentes eidos da vida e ademais... galegas!

Nais, escritoras, artistas, historiadoras, académicas, pintoras, mestras... TODAS IMPRESCINDIBLES! Por unha igualdade de xénero real que poidamos celebrar todos os días.

Día de Rosalía de Castro 2023

Premer na imaxe para acceder ao álbum de fotos

Conmemoramos o Día de Rosalía de Castro cun libro e unha flor... pulseira!

Asemade, unímonos á proposta da Asociación de Escritores e Escritoras en Lingua Galega (AELG) e seguindo o manifesto escrito por Carme Adán escribimos palabras, e palabras e palabras! Palabras que eleximos da lectura de diversos poemas de Rosalía e que logo pegamos dentro da súa silueta.

Premer na imaxe para ler o Manifesto 

Rosalía de Castro, que a forza das túas palabras impulse as nosas propias para seguir mellorando o presente, un futuro que siga sendo noso, da nosa terra, para seguir tendo voz propia hoxe e sempre: NÓS.

 

Entroido: Galihistoria

Presentamos o vídeo resumo da nosa celebración de Entroido que este curso, seguindo o PDI NÓS, tivo como lema "Galihistoria". Un percorrido pola historia de Galicia: etapas históricas, cultura, gastronomía, catástrofe ecolóxica e mitoloxía foron as elexidas para conmemorar un Entroido moi galego.

Premer no seguinte enlace para acceder á galería de fotos da xornada:

ENTROIDO: GALIHISTORIA

Feliz Entroido 2023!

Entroidanza con Pesdelán

Hoxe comezamos a celebración do Entroido no Milladoiro!!! E como non podía ser doutro xeito fixémolo xuntos, en comunidade, no Centro Cívico.

Para iso, todos e todas viñemos ó cole disfrazados como quixemos e gozamos da actuación musical de Pesdelán, unha agrupación coa que non paramos de bailar e aprender danzas do Entroido de diversos lugares: Argentina, Colombia, Perú, Euskadi... e por suposto Galicia.

PASÁMOLO EN GRANDE!!

FOTOS

Día Mundial da Radio 2023

Seguindo a proposta de actividades do 2º trimestre, conmemoramos o Día Mundial da Radio gravando en Radio Balea o noso conto de produción propia, o cal ideamos entre todas e todos, ao longo do 1º trimestre, coa máquina de escribir como protagonista e dentro da actividade NÓS... tamén escribimos!Asemade, participamos na convocatoria feita por Ponte... nas Ondas! baixo o lema Radio e Paz, proposto pola UNESCO, co podcast creado polo alumnado de 5º e 6º de EP: Rap pola Paz e que podedes escoitar a continuación.

Felicitar a todas e todos polo gran traballo desenvolto, uns podcasts contado e cantado para celebrar.

Feliz Día da Radio, hoxe e todos os días do ano.

Semana da PAZ (do 23 ao 30 de xaneiro)

 Lemos xunt@s: VALORES!

Ao longo desta semana, nas sesións de Hoxe Le... as lecturas estiveron adicadas a lecturas compartidas entre iguais. Cada clase dos maiores (3º-6º E.P.) elexiron un libro relacionado coa non violencia, o respeto, a tolerancia, a actitude crítica, a participación, o diálogo...

O alumnado de Educación Infantil e 1º ciclo de Educación Primaria elaborou unha man branca e acudiu con ela para escribir un valor extraído da súa lectura, coa colaboración do alumnado lector.

O luns, 5º de E.P. preparou a lectura de "O principio" empregando a técnica do croma para 1º e 2º de E.P, onde cada alumno/a sacou o seu propio valor.

O martes, a clase de 3º E.P. leu o libro "A manchas ou a raias?" aos compañeiros/as de 5º E.I. escribindo na man o valor de TOLERANCIA.

O xoves, o alumnado de 4º E.P. empregou a técnica do Kamishibai co conto "A mellor sopa do mundo" para os máis pequenos do cole, 4º E.I., extraendo o valor da CONVIVENCIA.

O venres, 6º E.P. interpretou o conto de "O segredo de Flora" ao alumnado de 6º E.I., escribindo todos xuntos a palabra de RESPECTO.

Podedes ver todas as imaxes desta actividade premendo na seguinte imaxe:

AS NOSAS LETRAS!: Andrea Maceiras

Premer na imaxe para acceder ao álbum de fotos

Inciamos o presente curso coa exposición AS NOSAS LETRAS! adicada á escritora Andrea Maceiras por elección do alumnado de 6ºEP que teñen un dos seus títulos como libro do Plan Lector Anual: A folla azul.

Así, na área Aprender a investigar realizaron a súa biografía grazas ás fontes documentais e dixitais. Asemade, remitiron un correo electrónico á autora para convidala a visitar a nosa escola e... conseguimos cadrar datas!

No día de onte, mantiveron un encontro coa autora; a cal agradecemos a súa amabilidade, pois non só asinou o exemplar de cada nen@ e no caderno da biblio, tamén respostou a cada unha das preguntas dentro da entrevista que desenvolveron na nosa Radio Balea.

Grazas a Andrea Maceiras pola súa cercanía e bo facer; así como a Editorial Xerais por facilitarnos o encontro.

 

SENDO... NÓS: proposta de actividades 2º trimestre

2ºT._ Actividades 2022-23

Leer más publicaciones en Calaméo

Presentamos a proposta de actividades para o 2º trimestre na que o noso PDI seguirá sendo o eixe vertebrador de aprendizaxes vívidas e construtivas.

No 2º trimestre o acento recae en SER para nutrir a necesaria construción dun mundo, persoal e social, mellor; partindo sempre das nosas raíces para seguir SENDO... NÓS! 

Valores pola Paz, cultura propia, igualdade de xénero serán, entre outros, contidos a traballar de maneira transdisciplinar e transversal; sen olvidar os plans e programas incluídos no Plan Lector Anual, así como a proposta de actividades anuais: laboratorios de aprendizaxe, o noso camiño, galicómic...

A seguir valorando o noso para... valorarnos!

Galioke 2022

 

Premer na imaxe para acceder á galería de imaxes 

da xornada Galioke 2022

Presentamos o cartel do Galioke 2022 co que pecharemos o 1º trimestre 2022/23 para conmemorar un Nadal... xunt@s!

Xunt@s... cantaremos!

Árbores de Nadal... galitecnolóxicas!

Presentamos, en formato audiovisual, as árbores de Nadal que este curso, seguindo o PDI que nos ocupa, contan con adornos galegos e... tecnolóxicos!

Celebramos un Nadal cheo de cores propias e placas Micro:Bit que foron programadas por tod@s, grazas á formación impartida pola mestra Marta.

Un Nadal... á galega!

Guía de Nadal 2022

Guía de Nadal 2022_BE-DL

Leer más publicaciones en Calaméo

Presentamos a Guía de Nadal 2022. Unha guía para ter en conta non só este Nadal, se non todos os días do ano; xa que o mellor amigo para agasallar é... un libro!

O xoves 22 de decembro, último día lectivo do 1º trimestre, toda a comunidade educativa terá nas súas mans un prezado recurso de lecturas diversas: álbum ilustrado, narrativa, poesía, cómic (Banda Deseñada), música..

Vivir... entre follas! Entre follas... compartimos, soñamos, crecemos!

Feliz Nadal lector a tod@s!

Premiad@s: VIII Concurso de Traballo por Proxectos

Premer na imaxe para acceder á galería de fotos 

Estamos en hora boa! A aula de 4º de E. Primaria, do curso 2021/22, resultou premiada no VIII Concurso de Traballo por Proxectos.

Na modalidade de Investigación e Tratamento da Información presentaron a Tarefa Integrada desenvolta no último trimestre no Laboratorio Documental: Malpica, a nosa vila, enmarcada dentro do noso Mes das Letras 2022

Na memoria presentada recollen, ademais, os restantes laboratorios de aprendizaxe implementados ao longo do curso 2021/22 en relación co PDI NÓS: patrimonio in-MATERIAL!

Un curso que estivo marcado pola pandemia, con protocolos sanitarios que afectaron á natural socialización escolar; mais puideron seguir divertíndose aprendendo e sendo artífices das súas propias aprendizaxes mediante Tarefas Integradas que abarcaron diversas áreas, entre elas a área de Aprender a Investigar. Área esta que non lles era allea, dado que dende E. Infantil e 1º ciclo de E. Primaria aprenden por descubrimento: sendo, facendo, sabendo e convivindo; e sempre ao abeiro da Biblioteca Escolar-LeoLab: espazos creativos e recursos bibliográficos, dixitais, tecnolóxicos, audiovisuais... para tod@s.

No día de hoxe realizamos a entrega dos diplomas correspondentes e de dous agasallos lúdicos para compartir na aula. Un premio ao traballo feito... con corazón!

Parabéns a tod@s, a dotación económica será investida na nosa Biblio, para seguir no camiño da educación de calidade no rural.

Decálogo 3D polo 25N

25N_Decálogo 3D: Diálogo, Dereitos, Dignidade

Leer más publicaciones en Calaméo

Presentamos, en formato dixital, o Decálogo 3D: Diálogo + Dereitos + Dignidade creado, entre Leo e todas as aulas, para pechar o mes de novembro arredor da conmemoración do 25N.

Lecturas para a vida, lecturas para reflexionar, para dialogar e... seguir educando en igualdade todos os días do ano.

Asemade, achegamos as imaxes das diferentes sesións de ciencia compartida... na nosa fala!, conmemorando o Mes da Ciencia en Galego nas Bibliotecas. Premendo na seguinte imaxe, d@s máis cativiños do Milladoiro (3 anos) e o alumnado de 3ºEP, accederedes á galería de fotos.

Un mes de experimentación compartida, na nosa fala, e lecturas para a vida!

Celtia Figueiras: Lúa quere viaxar a... Marte!

Premer na imaxe para acceder a máis información

Hoxe @s nen@s de E. Infantil e 1º ciclo de E. Primaria puideron desfrutar dunha actividade cultural na nosa lingua e dando tratamento á igualdade de xénero: a gatiña Lúa quere ser astronauta.

Celtia Figueiras, acompañada dos seus títeres, realizou unha marabillosa contada baseada nun libro da súa autoría: Lúa quere viaxar a... Marte!, ilustrado por Marcelo P. Fernández e editado por Guindastre (a disposición na nosa Biblio)

Agradecemos ao Consorcio Editorial Galego que siga achegándonos cultura na nosa lingua. 

Novembro 2022: Mes da Ciencia en Galego nas Bibliotecas

Iniciamos o Mes da Ciencia en Galego nas Bibliotecas, co deber de coñecer e transmitir ciencia na nosa lingua. Seguimos a ver moi necesario máis libros de consulta (Ciencias Naturais, Ciencias Aplicadas...) na nosa fala, faise imprescindible que as editoriais aposten pola divulgación científica, para peques e maiores, en Lingua Galega.

No corredor do 1º andar, xa está a disposición, de tod@s, a exposición Leo le... Ciencia en Galego, con exemplares en galego e para traducir ao galego, para seguir preguntando, sendo curios@s, investigando, experimentando... (premer na imaxe para acceder á galería de fotos da exposición) Recursos aos que sumamos os incluídos na seguinte publicación. 

Mes da Ciencia en Galego nas Bibliotecas_2022

Leer más publicaciones en Calaméo

NÓS imos compartir ciencia na nosa fala: o alumnado de 2º e 3º ciclo de E. Primaria expoñerá o método científico dos experimentos que argallen ao alumnado de E. Infantil e 1º ciclo de E. Primaria.

Pecharemos o mes de novembro experimentando coas gafas anáglifo e o mural Visión 3D. Seleccionaremos unha lectura, polo 25N, para compartir na aula e extraer unha valoración final; de maneira que entre tod@s elaboremos a nosa produción propia, o Decálogo 3D: Diálogo + Dereitos + Dignidade.

Un mes no que CIENCIA, FALA e IGUALDADE serán palabras clave, porque seguimos querendo cambiar o conto.