Proxecto Terra: Sementeiras

 

O pasado 20 de decembro o alumnado de 6º E.P. recibiu un taller de formación sobre "Procesos e formas na cidade. Morfoloxía da nosa vila e a súa percepción" dentro do Proxecto Terra que solicitamos para este curso.

Traballaron os diferentes compoñentes da nosa vila e a percepción do espazo urbano en base a percepción da súa forma según Kevin Lynch. Posteriormente por grupos crearon unha maqueta esquemática de Malpica de Bergantiños. 

Podedes ver todas as fotos da xornada premendo na imaxe.

Coñecendo e valorando a nosa vila!

conVIVINDO!

BE_2ºT_conVIVINDO!_21 22

Leer más publicaciones en Calaméo

Presentamos a proposta de actividades deste 2º trimestre do curso en relación co PDI anual, Laboratorios de Aprendizaxe e conmemoracións.

Actividades para integrar nas Programacións de aula mediante Tarefas Integradas que se nutran de ALFIN, usando os espazos creativos da BE-LeoLab.

O título elexido, conVIVINDO!, pon o acento na importancia de aprender a convivir: aprendendo a participar, a ser respectuos@s, solidari@s, tolerantes, aprendendo a cooperar... convivindo en democracia.

A por un trimestre cooperando,
a por un trimestre conVIVINDO!

Festa de Nadal 2021

Rematamos este trimestre cunha gran festa de Nadal na que puidemos desfrutar do chocolate con churros, organizado pola ANPA do CEIP Milladoiro e tamén da música tradicional, grazas a participación dun grupo de mestras e alumnos/as que foron coordinados pola mestra Susana Álvarez Mato. Esta formación creouse para a festa de Nadal pero tras o gran éxito acadado seguirán amenizando as próximas festas case seguro. Damos as grazas a cada un deles polo seu esforzo e traballo:

- Susana Álvarez (gaita).

- María Mascuñana (pandeireta)

- Daniella Cotelo 5º E.P. (pandeireta)

- Bruno Folla 3º E.P. (bombo)

- Antón Barrul 6º A E.P. (tambor)

- Pablo Varela 6º B E.P. (pandeireta)

A continuación tedes un vídeo resumo da xornada e ao final do mesmo algúns dos bailes que realizaron:

 

Laboratorio de Ideas: Nadal Natural!

 

Presentamos o produto final do Laboratorio de Ideas, proposta do equipo creativo, para celebrar un...

 Nadal Natural!

Agradecer a colaboración das familias na creación dos mesmos: creatividade natural, reutilizando.

Felices Festas a tod@s, coidándose!

Nadal en familia: tradición oral

Pechamos o 1º trimestre, arredor da tradición oral, coas extraordinarias visitas familiares: avoa, nai, pai, tía, veciña...; visitas coas que demos tratamento ao noso PDI, na busca do coñecemento e valoración da nosa identidade cultural.

Premendo nos seguintes enlaces accederedes ás publicacións realizadas nos blogs ou galería de imaxes das aulas:

• 4º E. Infantil

• 4º e 5º E. Infantil

• 6º E. Infantil, 1º e 2º E. Primaria

• 3º E. Primaria

• 4º E. Primaria

• 5º E. Primaria

• 6º E. Primaria

Agradecemos a colaboración de tod@s, que de maneira altruista nos achegaron a nosa cultura a través da oralidade, da música e o baile tradicional.

Agasallos de Nadal... adiantados!

Xabier P. Docampo: AS NOSAS LETRAS!

A imaxe reflicte a exposición AS NOSAS LETRAS! que inauguramos neste 1º trimestre para dinamizar lecturas de autores/as galegos/as que é imprescindible coñecer, valorar, divulgar.

A exposición estivo adicada ao GRAN MESTRE:  Xabier P. Docampo, que protagonizou a nosa proposta de actividades do 1º trimestre en relación coa oralidade, co noso PDI.

Premendo na imaxe accederedes ao álbum de fotos, entre as cales destaca a súa dedicatoria no exemplar "O misterio das badaladas" do día en que visitou o noso colexio. Un pequeno tesouro ben gardado e valorado na nosa Biblioteca.

Os grupos de 6º de Primaria, na sesión semanal Aprender a Investigar, ademais de elaborar o seu primeiro traballo documental arredor de Malpica e a Costa da Morte; finalizaron o trimestre lendo algúns dos títulos do escritor e elaborando a súa biografía, da cal daremos boa conta no 2º trimestre. 

Seguimos querendo... salvagardar o noso!

Laboratorio Experimental: un gran laboratorio!

Ao longo do mes de novembro, co gallo da conmemoración da Ciencia en Galego nas Bibliotecas, implementamos o Laboratorio Experimental en relación tamén co noso PDI pola importancia de valorar e dinamizar o uso da nosa lingua no ámbito científico, en palabras de Xabier P. Docampo...

A nosa lingua en todas as ciencias, en todos os medios,
en todos os camiños que levan á luz do coñecemento.

O colexio tranformase nun gran laboratorio: exposicións da Biblioteca e das aulas para experimentar, para divertirse aprendendo, para ilusionarse coa ciencia na nosa lingua.

Premendo nos seguintes enlaces, que se irán activando segundo as aulas vaian publicando nos blogs de ciclo, accederedes ás fantásticas exposicións experimentais para tod@s:

• 5º E. Infantil. Minigloboches

• 6º E. Infantil, 1º e 2º de E. Primaria. Os 5 sentidos

• 3º E. Primaria. O tacto

• 4º E. Primaria. Transformando!

• 5º E. Primaria. Densidade

• 6º E. Primaria. O son

• Biblioteca. Visión 3D

Parabéns a tod@s, unha vez máis, polas fantásticas experiencias vividas e compartidas!

Exposición: Oralidade, berce da cultura!

Presentamos a exposición do 1º trimestre: Oralidade, berce da cultura!, en relación co noso PDI NÓS: patrimonio in-MATERIAL! 

Espazo e mobiliario renovados grazas ao Concello que sufragou os gastos de pintura e ao orzamento PLAMBE 2021/22 para mobiliario/equipamento. Agradecemos tamén a doazón da gamela feita, no seu día, polo avó dun dos nosos alumnos.

Premendo na imaxe accederedes as fotos da exposición.

Leo posa encantada cos seus queridos libros aniñados a carón da Biblioteca ou navegando en gamela nun mar de lecturas para compartir.

A seguir lendo, investigando, contando!

Cabazas lendarias!

Presentamos o vídeo-resumo das fantásticas cabazas creadas en familia.

A creatividade dos/as nenos/as e as súas familias non deixa de sorprendernos.

Moitos parabéns, unhas cabazas lendarias.

Feliz Samaín 2021!

4º_Lab. de cociña: doces lendas

                                     

Doces lendas é a actividade final que realizamos dentro do Laboratorio Documental como peche do mesmo, despois da saída ao cabo de San Adrián.

No laboratorio de cociña con diferentes materiais: cartolinas negras, siluetas dos seres mitolóxicos e azucre glass... creamos por equipos as nosas lendas para contar ao resto de compañeiros/as, sen borrador previo, sen correccións, tomando a palabra en directo.

No vídeo tedes un exemplo do creado e premendo no seguinte enlace accederedes ao álbum de fotos da sesión.

                                              Fotos: Doces lendas!

Unha sesión de creatividade e oratoria... moi, moi doce!

3º e 4º_Saída 1ºT._Contada lendaria!

Como peche do Laboratorio Documental, os grupos de 3º e 4º de E. Primaria realizamos unha saída complementaria ao cabo de San Adrián para realizar unha Contada lendaria!

Unha xornada na que compartimos lecturas, a lectura das lendas que recompilamos ao longo do mes de outubro grazas a colaboración das familias, nun entorno privilexiado: cabo de San Adrián fronte as Illas Sisargas, escenarios estes de moitas das lendas que compartimos.

Premendo na imaxe accederedes as fotos da xornada.

Un día vivenciando e valorando o noso!

Lab. Documental: XII Semana das Lecturas Terroríficas

Presentamos os produtos finais do Laboratorio Documental, que implementamos ao longo deste mes de outubro, arredor das nosas tradicións orais: cantigas, refráns, lendas... e recollido na proposta de actividades do 1º trimestre.

Este curso, ao igual que o pasado, non temos a posibilidade de celebrar a Semana de Lecturas Terroríficas na nosa Biblioteca; mais non perde a súa esencia e seguimos a conmemorar un Samaín lector en diferentes formatos e soportes.

Premendo nos seguintes enlaces podedes desfrutar das producións de cada nivel:

• 5º E. Infantil: tradición oral malpicana

• 6º E. Infantil e 1º E. Primaria: lendas

• 2º E. Primaria: cantigas

• 3º E. Primaria: lendas

• 4º E. Primaria: lendas

• 5º E. Primaria: lendas

• 6ºA E. Primaria: lendas

• 6ºB E. Primaria: lendas

Parabéns a todas e todos polos fantásticos produtos finais!

Celebramos un Samaín... lendario!

Lab. de Son_Que sabemos de Malpica?

Todo proxecto comeza cunha pregunta inicial que é QUE SABEMOS?, así que para comezar o noso PDI, bianual, o alumnado de diferentes niveis implementou o Laboratorio de Son para recoller que sabemos da nosa vila. 

De seguido podedes escoitar os diferentes podcasts que se realizaron na nosa Radio Balea, a radio nas ondas!

6ºEI-1ºEP_A miña localidade

Na área de Ciencias Sociais estamos aprendendo sobre a nosa localidade, Malpica de Bergantiños, actividade que incluímos no PDI deste curso. Queremos amosarvos o ben que nos quedou o mural que puxemos na entrada da aula e que fixemos conxuntamente compañeiros/as de 6º de Infantil e 1º de Primaria. 

Picando nesta imaxe accederedes á galería de fotos. 

Educando en comunidade: NÓS!

Para educar a un niño hace falta la tribu entera
(proverbio africano)

Un curso máis, solicitamos a colaboración de tod@s para seguir educando en comunidade.

O PDI que nos ocupa, NÓS: patrimonio in-MATERIAL!, inicia a súa andaina partindo do que nos é máis próximo: Malpica e Costa da Morte.

O 1º trimestre adicado á oralidade, tradicións e expresións orais, require da recompilación de información entre tod@s.

Queremos facer un chamamento a toda a comunidade para solicitar a necesaria colaboración que enriqueza o noso PDI; tendo sempre en conta que cada aportación, por pequena que sexa, suma e multiplica a información que poidamos obter para transformala en coñecemento.

Seguindo o proxecto recollido neste blog do PDI, organizamos os trimestres como segue:

1º trimestre. IDENTIDADE: tradicións e expresión orais. Oralidade, berce da cultura! No samaín faremos unha recompilación das lendas, cantigas, refráns da nosa zona e no mes de decembro dedicaremos a música tradicional pedindo colaboración a todas as familias e asociacións de Malpica.

2º trimestre. COEDUCACIÓN: actos festivos e técnicas tradicionais artesanais. Comezaremos pola imigración, recollendo os testimonios de aqueles que tiveron que cruzar os océanos para ter unha vida mellor. Rescataremos o entroido tradicional de Malpica e das súas parroquias. Finalizando o trimestre entrevistando as mulleres traballadoras e os oficios tradicionais.

3º trimestre. MEDIO AMBIENTE: patrimonio material (arquitectónico, artístico, histórico e/ou natural).

Agradecemos de antemán, a colaboración de toda a comunidade.

Por un curso moi noso, por un curso enriquecéndonos, coñecéndonos!