Entroido 2022: Madamit@s do Milladoiro

Festexamos o Entroido 2022, seguindo o PDI de centro, como Madamit@s!

Un Entroido moi noso que, unha vez máis,  foi posible grazas ao traballo en comunidade:

• O alumnado pola súa ilusión, motivación e esforzo en cada paso dado: paseo, punto... e volta!

• A Asociación Cultural Raigañas de Cerqueda por cedernos os complementos dos difraces, a información, a música e o baile para festexar.

• As familias pola súa colaboración na elaboración dos disfraces.

• Ao profesorado pola súa implicación no tratamento da nosa tradición entroideira, achegándonos as nosas raíces, facilitando os recursos e esforzos compartidos para vivir o noso patrimonio.

• Ao persoal non docente por todo o apoio prestado.

Valorando, concienciando da imprescindible educación en comunidade.

Parabéns a tod@s, un Entroido moi malpicán, un Entroido... MATERIAL!

A seguir gozando do Entroido! Premendo no seguinte enlace accederedes ao programa de actividades programadas polo Concello:

Entroido 2022 en Malpica

Día de Rosalía 2022

Celebramos, e vaia se celebramos, o Día de Rosalía!

Premendo na imaxe accederedes ao álbum de fotos da xornada.

Ao mural do curso pasado, Cartas a Rosalía, demos continuidade co mural do presente curso seguindo o lema da Asociación de Escritoras e Escritores en Lingua Galega: #SementadePensamentos.

Pensamentos de Rosalía: palabras, versos... e para Rosalía, a súa flor preferida, creadas con libros de expurgo pol@s nen@s de cada aula.

A nosa Biblioteca, o noso colexio segue a celebrar o Día da nosa querida escritora arredor da cal demos tratamento a súa biografía, a súa escrita, a súa gran persoa; pechando a xornada cun libro para casa e cunha flor-marcapáxinas.

En proceso de edición están os poemas de Rosalía gravados por cada aula para conformar un audiolibro de produción propia e a aula de 6º de Primaria compartiu con tod@s un adianto da canción que crearon, Rocksalía, baixo a coordinación do mestre de Música.

E para rematar, deixamos a listaxe de enlaces das publicacións feitas nalgúns dos blogs de ciclo: 

• 4º E. Infantil

• 5º E.I., 1º e 2º de Primaria

• 3º E. Primaria

• 4º E. Primaria

Parabéns a tod@s polo gran traballo desenvolto arredor de Rosalía!

Feliz Día de Rosalía, onte, hoxe... todos os días do ano!

Día Internacional da Lingua Materna

Hoxe celebramos o Día Internacional da Lingua Materna co obxectivo de promover o plurilingüísmo e a diversidade cultural. Así foi proclamado pola Confederación Xeral da UNESCO en novembro de 1999.

Premendo na imaxe accederedes á mensaxe da Directora Xeral da UNESCO: Audrey Azoulay

NÓS seguimos querendo pór en valor a importancia da nosa LINGUA NAI, principal vehículo para manter vivo O NOSO PATRIMONIO CULTURAL; medrando con identidade, con raíces sans e fortes no noso país da choiva, país de madeira e metal.. entre gaitas, ferreñas e alalás!

Feliz Día da Lingua Nai a tod@s!

Día Mundial da Radio: Teresa dos Cucos

Hoxe celebramos o Día Mundial da Radio 2022 sumándonos a iniciativa de Ponte... nas Ondas!: a Radio do Patrimonio, que este ano garda estreita relación co noso PDI de centro.

Felicitar ao alumnado de 5º de E. Primaria que coa orientación de Breogán, o seu titor, e o apoio do Equipo de Radio realizaron un fabuloso traballo de investigación, documentación e comunicación entrevistando a Teresa dos Cucos, Mestra da Memoria 2021.

Feliz Día da Radio a tod@s!

Rosalía de Castro: AS NOSAS LETRAS!

Presentamos a exposición AS NOSAS LETRAS! do 2º trimestre que, como non podía ser doutro xeito, está adicada a Rosalía de Castro.

O Día de Rosalía pasa a conmemorarse o 23 de febreiro tras o descubrimento da súa data de nacemento, tal e como recolle a Xunta de Galicia na súa páxina de novas.

A Asociación de Escritoras e Escritores en Lingua Galega vén de publicar a súa proposta de actividades para celebrar o Día da escritora (#SementadePensamentos) entre as cales destaca, dendo o ano 2010, o agasallo dun libro e unha flor.

Coma cada curso escolar celebraremos o seu Día e daremos conta del.

Premendo na imaxe accederedes as fotos da exposición temática e así celebramos o seu Día, premendo no seguinte enlace:

Día de Rosalía 2022

Seguimos querendo... salvagardar o noso!

Exposición: conVIVINDO!

Presentamos a exposición do 2º trimestre: conVIVINDO!, en relación co noso PDI NÓS: patrimonio in-MATERIAL! 

Exemplares diversos para o tratamento de valores/actitudes e a implementación dos laboratorios de aprendizaxe do presente trimestre.

Premendo na imaxe accederedes as fotos da exposición.

A seguir lendo, investigando, convivindo!

Lab. de Imaxe: en busca da PAZ

Ao longo do mes de xaneiro, un mes difícil por mor da pandemia, desenvolvemos o Laboratorio de Imaxe arredor do noso PDI e do Día da Paz e a non violencia.

O laboratorio iniciouse nas sesións impartidas polo equipo tecnolóxico cun xogo de retos, escapismo para descubrir o nome e apelidos dunha persoa de orixe malpicá que, no seu día, emigrou ou fuxiu en busca da PAZ.

Posteriormente, dende as diferentes titorías levouse a cabo a investigación para pechar o laboratorio con produtos finais en diversos soportes e formatos.

Premendo en cada enlace accederedes ás publicacións realizadas nas diferentes bitácoras dos ciclos:

• 4º e 5º EI: Anselmo Villar Amigo ( Arxentina)

• 6º EI, 1º e 2º EP: Pedro Benito Cambón ( San Francisco)

• 3º e 4º EP: Manuel Graña Blanco ( Francia)

• 5º EP: os barcos da liberdade

• 6º EP: Manuel Verdes ( Perú)

Parabéns a tod@s pola creatividade e esforzo na búsqueda, selección, organización e comunicación da información.

Seguimos querendo coñecer e valorar o noso!

Proxecto Terra: Sementeiras

 

O pasado 20 de decembro o alumnado de 6º E.P. recibiu un taller de formación sobre "Procesos e formas na cidade. Morfoloxía da nosa vila e a súa percepción" dentro do Proxecto Terra que solicitamos para este curso.

Traballaron os diferentes compoñentes da nosa vila e a percepción do espazo urbano en base a percepción da súa forma según Kevin Lynch. Posteriormente por grupos crearon unha maqueta esquemática de Malpica de Bergantiños. 

Podedes ver todas as fotos da xornada premendo na imaxe.

Coñecendo e valorando a nosa vila!

conVIVINDO!

BE_2ºT_conVIVINDO!_21 22

Leer más publicaciones en Calaméo

Presentamos a proposta de actividades deste 2º trimestre do curso en relación co PDI anual, Laboratorios de Aprendizaxe e conmemoracións.

Actividades para integrar nas Programacións de aula mediante Tarefas Integradas que se nutran de ALFIN, usando os espazos creativos da BE-LeoLab.

O título elexido, conVIVINDO!, pon o acento na importancia de aprender a convivir: aprendendo a participar, a ser respectuos@s, solidari@s, tolerantes, aprendendo a cooperar... convivindo en democracia.

A por un trimestre cooperando,
a por un trimestre conVIVINDO!

Festa de Nadal 2021

Rematamos este trimestre cunha gran festa de Nadal na que puidemos desfrutar do chocolate con churros, organizado pola ANPA do CEIP Milladoiro e tamén da música tradicional, grazas a participación dun grupo de mestras e alumnos/as que foron coordinados pola mestra Susana Álvarez Mato. Esta formación creouse para a festa de Nadal pero tras o gran éxito acadado seguirán amenizando as próximas festas case seguro. Damos as grazas a cada un deles polo seu esforzo e traballo:

- Susana Álvarez (gaita).

- María Mascuñana (pandeireta)

- Daniella Cotelo 5º E.P. (pandeireta)

- Bruno Folla 3º E.P. (bombo)

- Antón Barrul 6º A E.P. (tambor)

- Pablo Varela 6º B E.P. (pandeireta)

A continuación tedes un vídeo resumo da xornada e ao final do mesmo algúns dos bailes que realizaron:

 

Laboratorio de Ideas: Nadal Natural!

 

Presentamos o produto final do Laboratorio de Ideas, proposta do equipo creativo, para celebrar un...

 Nadal Natural!

Agradecer a colaboración das familias na creación dos mesmos: creatividade natural, reutilizando.

Felices Festas a tod@s, coidándose!

Nadal en familia: tradición oral

Pechamos o 1º trimestre, arredor da tradición oral, coas extraordinarias visitas familiares: avoa, nai, pai, tía, veciña...; visitas coas que demos tratamento ao noso PDI, na busca do coñecemento e valoración da nosa identidade cultural.

Premendo nos seguintes enlaces accederedes ás publicacións realizadas nos blogs ou galería de imaxes das aulas:

• 4º E. Infantil

• 4º e 5º E. Infantil

• 6º E. Infantil, 1º e 2º E. Primaria

• 3º E. Primaria

• 4º E. Primaria

• 5º E. Primaria

• 6º E. Primaria

Agradecemos a colaboración de tod@s, que de maneira altruista nos achegaron a nosa cultura a través da oralidade, da música e o baile tradicional.

Agasallos de Nadal... adiantados!

Xabier P. Docampo: AS NOSAS LETRAS!

A imaxe reflicte a exposición AS NOSAS LETRAS! que inauguramos neste 1º trimestre para dinamizar lecturas de autores/as galegos/as que é imprescindible coñecer, valorar, divulgar.

A exposición estivo adicada ao GRAN MESTRE:  Xabier P. Docampo, que protagonizou a nosa proposta de actividades do 1º trimestre en relación coa oralidade, co noso PDI.

Premendo na imaxe accederedes ao álbum de fotos, entre as cales destaca a súa dedicatoria no exemplar "O misterio das badaladas" do día en que visitou o noso colexio. Un pequeno tesouro ben gardado e valorado na nosa Biblioteca.

Os grupos de 6º de Primaria, na sesión semanal Aprender a Investigar, ademais de elaborar o seu primeiro traballo documental arredor de Malpica e a Costa da Morte; finalizaron o trimestre lendo algúns dos títulos do escritor e elaborando a súa biografía, da cal daremos boa conta no 2º trimestre. 

Seguimos querendo... salvagardar o noso!

Laboratorio Experimental: un gran laboratorio!

Ao longo do mes de novembro, co gallo da conmemoración da Ciencia en Galego nas Bibliotecas, implementamos o Laboratorio Experimental en relación tamén co noso PDI pola importancia de valorar e dinamizar o uso da nosa lingua no ámbito científico, en palabras de Xabier P. Docampo...

A nosa lingua en todas as ciencias, en todos os medios,
en todos os camiños que levan á luz do coñecemento.

O colexio tranformase nun gran laboratorio: exposicións da Biblioteca e das aulas para experimentar, para divertirse aprendendo, para ilusionarse coa ciencia na nosa lingua.

Premendo nos seguintes enlaces, que se irán activando segundo as aulas vaian publicando nos blogs de ciclo, accederedes ás fantásticas exposicións experimentais para tod@s:

• 5º E. Infantil. Minigloboches

• 6º E. Infantil, 1º e 2º de E. Primaria. Os 5 sentidos

• 3º E. Primaria. O tacto

• 4º E. Primaria. Transformando!

• 5º E. Primaria. Densidade

• 6º E. Primaria. O son

• Biblioteca. Visión 3D

Parabéns a tod@s, unha vez máis, polas fantásticas experiencias vividas e compartidas!

Exposición: Oralidade, berce da cultura!

Presentamos a exposición do 1º trimestre: Oralidade, berce da cultura!, en relación co noso PDI NÓS: patrimonio in-MATERIAL! 

Espazo e mobiliario renovados grazas ao Concello que sufragou os gastos de pintura e ao orzamento PLAMBE 2021/22 para mobiliario/equipamento. Agradecemos tamén a doazón da gamela feita, no seu día, polo avó dun dos nosos alumnos.

Premendo na imaxe accederedes as fotos da exposición.

Leo posa encantada cos seus queridos libros aniñados a carón da Biblioteca ou navegando en gamela nun mar de lecturas para compartir.

A seguir lendo, investigando, contando!