Premiad@s: IV Concurso Podcasts-Radio na Biblio

Voltamos estar en hora boa. Se no 2º trimestre recibiamos o Sello CCB 2021, neste 3º trimestre acabamos de coñecer que fomos PREMIAD@S no...

 IV Concurso de Podcasts - Radio na Biblio

Un marabilloso produto final de produción propia, en formato regueifa, arredor da biografía de Florencio Delgado Gurriarán, autor homenaxeado polo Día das Letras Galegas 2022.

A nosa participación na modalidade II (alumnado de 3º a 6º de Primaria) obtén como premio unha asignación extraordinaria de 1.000 € destinada, tal e como recolle a convocatoria do concurso, a melloras ou actividades relacionadas co funcionamento do laboratorio de radio, sempre vinculado á biblioteca do centro.

Premendo na imaxe accederedes a memoria e escaleta remitida ao concurso e na cal se recollen @s participantes que deron vida e personalidade malpicá a produción escrita "Unha regueifa a Don Florencio", que foi posible grazas a implicación e colaboración de Charo (nai dun alumno do centro e membro da ANPA) e do profesorado do Equipo de Radio na Biblio.

Un premio ao traballo feito EN COMUNIDADE E CON IDENTIDADE!

A desfrutar do podcast premiado, xa publicado no portal da Radio Galega, e...

Parabéns, unha vez máis, a TOD@S!

Florencio Delgado Gurriarán: AS NOSAS LETRAS!

Presentamos a exposición AS NOSAS LETRAS! adicada ao autor elexido pola Real Academia Galega para conmemorar o Día das Letras Galegas 2022: Florencio Delgado Gurriarán.

Exposición que acolle exemplares de recente publicación, entre os que destacan títulos de Lectura Fácil (con pictogramas), así como recursos en liña a través do código QR que enlaza a páxina web da RAG, Primavera das Letras, onde se recollen outros recursos como:

• Proxecto "As letras de Florencio"
• Seminario Galán
• Consello da Cultura Galega

Premendo na imaxe accederedes ao álbum de fotos da exposición.

Asemade, elaboramos o caderno Leo anímate a... investigar! para desenvolver arredor do escritor valdeorrés e coñecer, valorar a súa escrita, a súa contribución a nosa lingua, a nosa terra.

Con Florencio Delgado Gurriarán pechamos as exposicións trimestrais adicadas a escritores/as galegos/as, que naceron, este curso, co obxectivo de dinamizar a nosa lingua, a nosa escrita.

Pechamos o noso Mes das Letras 2022 celebrando o Día das Letras Galegas co produto final de tod@s:

 Malpica, a nosa vila

Festexando as Letras Galegas, dinamizando e divulgando AS NOSAS LETRAS todos os días do ano.

Valorando

BE_3ºT_Valorando_2021-22

Leer más publicaciones en Calaméo

Presentamos a proposta de actividades do 3º trimestre do curso en relación co PDI anual, Laboratorios de Aprendizaxe e conmemoracións.

Actividades para integrar nas Programacións de aula mediante Tarefas Integradas que se nutran de información para transformala en coñecemento, usando os espazos creativos e recursos da BE-LeoLab.

O título elexido, Valorando, pon o acento na importancia de valorar O NOSO: a nosa lingua, as nosas Letras, a nosa historia, a nosa arquitectura, a nosa paisaxe...; sempre en comunidade e con identidade propia.

A por un trimestre valorando,
a por un trimestre xogando!

Proxecto Terra: Inspectores Urbanísticos!

No día de hoxe, a través do Proxecto Terra, o alumnado de 6º de Infantil, 1º, 2º e 3º de Primaria convertéronse en Inspectores Urbanísticos grazas a actividade desenvolta pola Axencia de Protección da Legalidade Urbanística (APLU). 

En cada sesión trataron as características da nosa paisaxe, os elementos naturais e humanizados, e como, en moitas ocasións, as persoas estragamos o entorno con construcións ilegais.

 “Coida do territorio. Coida do teu”

Lab. de Son: oficio e tradición... en feminino!

Presentamos os produtos finais do Laboratorio de Son implementado ao longo do mes de marzo en relación co Día da Muller 2022 e a proposta de actividades do noso PDI.

A proposta incluía dous produtos finais, entrevista escrita e podcast realizado en Radio Balea, valorando os oficios tradicionais desenvoltos por Mulleres da nosa contorna.

Premendo nos enlaces da seguinte listaxe accederedes aos produtos finais de cada aula:

• 4º E. Infantil

• 5º E. Infantil

• 6º E.I + 1º E. Primaria

• 2º E. Primaria

• 3º E. Primaria

• 4º E. Primaria

• 5º E. Primaria

• 6º E. Primaria

Felicitar, unha vez máis, a alumnado e titores/as polo gran traballo desenvolto: investigando, coñecendo, valorando, comunicando; así coma ás protagonistas das diferentes entrevistas que,  de maneira totalmente altruista, nos regalaron o seu tempo para compartir experiencias e valores de vida.

Seguimos educando en igualdade e valorando ÁS NOSAS MULLERES!

Formación con Julia de la Cal: estrutura de vimbio

Un curso máis, a Asesoría de Bibliotecas Escolares, concedeunos aos centros do Plan LIA.2 unha formación dentro do programa Biblioteca Creativa, este ano dirixida ao alumnado, ás familias e en xeral a toda a comunidade educativa.

Dentro das moitas actividades ofertadas, moi interesantes e funcionais, decidímonos pola realización de obradoiros para a creación dunha estrutura de vimbio con Julia de Cal; xa que dentro do PDI NÓS: patrimonio in-MATERIAL!,  neste trimestre traballamos os oficios tradicionais de Malpica e Costa da Morte, e en marzo dirixido ao traballo realizado por Mulleres. 

Foi unha actividade moi enriquecedora, de forma que ao remate das xornadas conseguimos, co traballo en equipo, un espazo de vimbio para o tempo de lecer, de lectura, de tranquilidade e de xogo, un produto realizado entre tod@s e para tod@s, como comunidade educativa que somos.

Premendo na imaxe accederedes á galería de fotos das diferentes xornadas desenvoltas ao longo do xoves 10 e venres 11 de marzo. 

Agradecer á Asesoría esta oportunidade de aprendizaxe, a Julia de la Cal por achegarnos un oficio tradicional tan bonito e pola súa implicación; así como a todas as familias que puideron vir ao cole para colaborar con nós, INFINITAS GRAZAS!!!!

Entroido 2022: Madamit@s do Milladoiro

Festexamos o Entroido 2022, seguindo o PDI de centro, como Madamit@s!

Un Entroido moi noso que, unha vez máis,  foi posible grazas ao traballo en comunidade:

• O alumnado pola súa ilusión, motivación e esforzo en cada paso dado: paseo, punto... e volta!

• A Asociación Cultural Raigañas de Cerqueda por cedernos os complementos dos difraces, a información, a música e o baile para festexar.

• As familias pola súa colaboración na elaboración dos disfraces.

• Ao profesorado pola súa implicación no tratamento da nosa tradición entroideira, achegándonos as nosas raíces, facilitando os recursos e esforzos compartidos para vivir o noso patrimonio.

• Ao persoal non docente por todo o apoio prestado.

Valorando, concienciando da imprescindible educación en comunidade.

Parabéns a tod@s, un Entroido moi malpicán, un Entroido... MATERIAL!

A seguir gozando do Entroido! Premendo no seguinte enlace accederedes ao programa de actividades programadas polo Concello:

Entroido 2022 en Malpica

Día de Rosalía 2022

Celebramos, e vaia se celebramos, o Día de Rosalía!

Premendo na imaxe accederedes ao álbum de fotos da xornada.

Ao mural do curso pasado, Cartas a Rosalía, demos continuidade co mural do presente curso seguindo o lema da Asociación de Escritoras e Escritores en Lingua Galega: #SementadePensamentos.

Pensamentos de Rosalía: palabras, versos... e para Rosalía, a súa flor preferida, creadas con libros de expurgo pol@s nen@s de cada aula.

A nosa Biblioteca, o noso colexio segue a celebrar o Día da nosa querida escritora arredor da cal demos tratamento a súa biografía, a súa escrita, a súa gran persoa; pechando a xornada cun libro para casa e cunha flor-marcapáxinas.

En proceso de edición están os poemas de Rosalía gravados por cada aula para conformar un audiolibro de produción propia e a aula de 6º de Primaria compartiu con tod@s un adianto da canción que crearon, Rocksalía, baixo a coordinación do mestre de Música.

E para rematar, deixamos a listaxe de enlaces das publicacións feitas nalgúns dos blogs de ciclo: 

• 4º E. Infantil

• 5º E.I., 1º e 2º de Primaria

• 3º E. Primaria

• 4º E. Primaria

Parabéns a tod@s polo gran traballo desenvolto arredor de Rosalía!

Feliz Día de Rosalía, onte, hoxe... todos os días do ano!

Día Internacional da Lingua Materna

Hoxe celebramos o Día Internacional da Lingua Materna co obxectivo de promover o plurilingüísmo e a diversidade cultural. Así foi proclamado pola Confederación Xeral da UNESCO en novembro de 1999.

Premendo na imaxe accederedes á mensaxe da Directora Xeral da UNESCO: Audrey Azoulay

NÓS seguimos querendo pór en valor a importancia da nosa LINGUA NAI, principal vehículo para manter vivo O NOSO PATRIMONIO CULTURAL; medrando con identidade, con raíces sans e fortes no noso país da choiva, país de madeira e metal.. entre gaitas, ferreñas e alalás!

Feliz Día da Lingua Nai a tod@s!

Día Mundial da Radio: Teresa dos Cucos

Hoxe celebramos o Día Mundial da Radio 2022 sumándonos a iniciativa de Ponte... nas Ondas!: a Radio do Patrimonio, que este ano garda estreita relación co noso PDI de centro.

Felicitar ao alumnado de 5º de E. Primaria que coa orientación de Breogán, o seu titor, e o apoio do Equipo de Radio realizaron un fabuloso traballo de investigación, documentación e comunicación entrevistando a Teresa dos Cucos, Mestra da Memoria 2021.

Feliz Día da Radio a tod@s!

Rosalía de Castro: AS NOSAS LETRAS!

Presentamos a exposición AS NOSAS LETRAS! do 2º trimestre que, como non podía ser doutro xeito, está adicada a Rosalía de Castro.

O Día de Rosalía pasa a conmemorarse o 23 de febreiro tras o descubrimento da súa data de nacemento, tal e como recolle a Xunta de Galicia na súa páxina de novas.

A Asociación de Escritoras e Escritores en Lingua Galega vén de publicar a súa proposta de actividades para celebrar o Día da escritora (#SementadePensamentos) entre as cales destaca, dendo o ano 2010, o agasallo dun libro e unha flor.

Coma cada curso escolar celebraremos o seu Día e daremos conta del.

Premendo na imaxe accederedes as fotos da exposición temática e así celebramos o seu Día, premendo no seguinte enlace:

Día de Rosalía 2022

Seguimos querendo... salvagardar o noso!

Exposición: conVIVINDO!

Presentamos a exposición do 2º trimestre: conVIVINDO!, en relación co noso PDI NÓS: patrimonio in-MATERIAL! 

Exemplares diversos para o tratamento de valores/actitudes e a implementación dos laboratorios de aprendizaxe do presente trimestre.

Premendo na imaxe accederedes as fotos da exposición.

A seguir lendo, investigando, convivindo!

Lab. de Imaxe: en busca da PAZ

Ao longo do mes de xaneiro, un mes difícil por mor da pandemia, desenvolvemos o Laboratorio de Imaxe arredor do noso PDI e do Día da Paz e a non violencia.

O laboratorio iniciouse nas sesións impartidas polo equipo tecnolóxico cun xogo de retos, escapismo para descubrir o nome e apelidos dunha persoa de orixe malpicá que, no seu día, emigrou ou fuxiu en busca da PAZ.

Posteriormente, dende as diferentes titorías levouse a cabo a investigación para pechar o laboratorio con produtos finais en diversos soportes e formatos.

Premendo en cada enlace accederedes ás publicacións realizadas nas diferentes bitácoras dos ciclos:

• 4º e 5º EI: Anselmo Villar Amigo ( Arxentina)

• 6º EI, 1º e 2º EP: Pedro Benito Cambón ( San Francisco)

• 3º e 4º EP: Manuel Graña Blanco ( Francia)

• 5º EP: os barcos da liberdade

• 6º EP: Manuel Verdes ( Perú)

Parabéns a tod@s pola creatividade e esforzo na búsqueda, selección, organización e comunicación da información.

Seguimos querendo coñecer e valorar o noso!

Proxecto Terra: Sementeiras

 

O pasado 20 de decembro o alumnado de 6º E.P. recibiu un taller de formación sobre "Procesos e formas na cidade. Morfoloxía da nosa vila e a súa percepción" dentro do Proxecto Terra que solicitamos para este curso.

Traballaron os diferentes compoñentes da nosa vila e a percepción do espazo urbano en base a percepción da súa forma según Kevin Lynch. Posteriormente por grupos crearon unha maqueta esquemática de Malpica de Bergantiños. 

Podedes ver todas as fotos da xornada premendo na imaxe.

Coñecendo e valorando a nosa vila!

conVIVINDO!

BE_2ºT_conVIVINDO!_21 22

Leer más publicaciones en Calaméo

Presentamos a proposta de actividades deste 2º trimestre do curso en relación co PDI anual, Laboratorios de Aprendizaxe e conmemoracións.

Actividades para integrar nas Programacións de aula mediante Tarefas Integradas que se nutran de ALFIN, usando os espazos creativos da BE-LeoLab.

O título elexido, conVIVINDO!, pon o acento na importancia de aprender a convivir: aprendendo a participar, a ser respectuos@s, solidari@s, tolerantes, aprendendo a cooperar... convivindo en democracia.

A por un trimestre cooperando,
a por un trimestre conVIVINDO!